Walang sawang naghahatid ng libreng serbisyo ang K Outreach Program ng lokal na pamahalaan para paglingkuran ang mga mamamayan ng lungsod.

Nitong nakaraang linggo, dinayo ng programa ang Brgy. Tabulac kung saan nabigyan ang mga residente ng kanilang pangunahing pangangailangan tulad ng libreng bigas, mga gamot, mga buto ng gulay at prutas, libreng konsultasyon at gamutan, at marami pang iba.

Kaugnay nito, patuloy ring pinakikinggan ni City Mayor Kokoy Salvador ang bawat hinaing ng mga residente roon para agarang matugunan ang kanilang pangangailangan.

Sa susunod na linggo (Nobyembre 8 at 9), dadayo naman ang K Outreach Program sa Brgy. Tulat. (Ella Aiza D. Reyes)