Maagang dumayo ngayong linggong ito ang K Outreach Program kung saan ibinaba ang mga libreng serbisyo at tulong ng iba't ibang opisina ng lokal na pamahalaan sa Brgy. Pinili nitong Martes (Enero 30).

May libreng konsulta sa doktor, dentista, at beterinaryo; gamot; bigas; binhi; cedula; dokumentong sibil; tulong para sa mga PWD at senior citizens; serbisyo ng Aklatang Panlungsod at DRS Save Eye Care Center; gupit, masahe, at marami pang iba.

Nauna nang binisita ng K Outreach ang mga Brgy. Sto. Niño 1st, 2nd, at 3rd nitong mga nagdaang Biyernes, kasabay ng pagdiriwang ng pista ng mga naturang barangay.

Nakisaya sa okasyon sina Mayor Kokoy at Vice Mayor Ali Salvador, kasama ang ilang konsehal.

Bukas (Pebrero 2), dadayo naman ang K Outreach Program sa Brgy. San Juan.