Abot kamay na tulong at serbisyo ang dala ng lokal na pamahalaan nang dalawin ang Barangay Tondod sa ginanap na K Outreach program kaninang umaga.

Bagama’t hindi nakadalo si Mayor Kokoy Salvador dahil sa official business, ipinabot naman ni Vice Mayor Ali Salvador ang kanyang pagbati para sa mga mamamayan doon.

Dagdag ni Vice Mayor Ali, makasisiguro ang mga mamamayan na sila, kasama ang mga konsehal ay laging nariyan at buong pusong nagseserbisyo para sa mga San Josenio.

Aniya, mas pinalawig din ang mga hatid na serbisyo ng K Outreach ngayon dahil inaalam mismo sa mga residente ang higit na kinakailangan sa kanilang lugar upang matugunan ito.