Tunay ngang maipagmamalaki ang mga kabataang San Josenio sa kahit anong larangan ng sports. Sa katunayan, isang karangalan na naman ang naiuwi ng mga pambato ng lungsod sa idinaos na Batang Pinoy Luzon Leg nitong Oktubre 21-27 sa Vigan, Ilocos Sur na sinalihan ng higit 5,000 atleta mula sa iba’t ibang bayan at lalawigan.
Itinanghal na overall champion ang Karatedo at Pencak Silat Team ng San Jose na nakapag-uwi ng 19 gold, isang silver, at apat bronze.
Base sa overall tally ng Philippine Sports Commission (PSC), nakakuha ang San Jose City Team ng kabuuang 32 gold, isang silver, at anim na bronze, na naglagay sa lungsod sa ikatlong puwesto.
Ang mga nakapasok sa Luzon elimination ay magiging kinatawan ng San Jose sa Batang Pinoy National Games sa Pebrero 2018.
Nagpasalamat naman ang buong koponan sa walang sawang pagsuporta ng Lokal na Pamahalaan sa kanilang grupo lalo na kay Punong Lungsod Kokoy Salvador.
Kinilala ang mga nagsipagwaging atleta kasabay ng Flag Raising Ceremony ng Lokal na Pamahalaan noong Oktubre 30 at dito ay ipinakita ang kanilang galing sa sports na kanilang kinabibilangan.
Ang mga sumusunod na pangalan ang nakapag-uwi ng mga medalya:

Marie June Adriano - 3 gold
Ma. Pauline Bucayan - 3 gold
Sheryl May Angara - 3 gold
Andrie Carl Dela Cruz - 3 gold & 1 bronze
Allen Jhoy Andres – 2 gold & 1 bronze
Luke Albert Capulong - 2 gold
Erwin Rummel Talplacido - 2 gold & 1 bronze
Bieto Jr. Barol – 2 gold
Samuel Ramos - 2 gold
Ermabel Bucayan Jr. - 1 gold & 1 bronze
Mathew Albert Capulong - 1 gold & 1 Silver
Raphael Gatcheco - 1 gold
Charles Calvin Deil Ocayan - 1 gold
Mary Alisa Yee - 1 gold
Cassandra Alexa Bagarra - 1 gold
John Willis - 1 gold
Jesusa Marie Gonzales - 1 gold
Andrie Kent Dela Cruz - 1 gold
Rain Camille Garcia - 1 gold & 1 bronze
Adrian Germano - 1 bronze