Muling ilulunsad ang Community Outreach Program ng Lokal na Pamahalaan na tatawaging “Kalinga sa Mamamayan” para makapaghatid ng lingguhang serbisyo sa mga barangay.
Magsisimula ang “Kalinga sa Mamamayan” sa ika-18 ng Agosto (Huwebes), 8:00 ng umaga at unang dadayuhin ang Brgy. Sto. Tomas.
Kaugnay nito ay isang special meeting ang idinaos nitong ika-27 ng Hulyo sa pangunguna ng Community Affairs Office para mapaghandaan ang nasabing programa at mapag-usapan ang "kalinga" na ihahandog sa mga mamamayan ng San Jose. Kasama sa pulong sina City Administrator Alexander Glen Bautista, Executive Asst. V Cesar Cervantes, Executive Asst. Fortantino Amorin Jr., at ilang Department Heads.