Masayang ibinalita ng ating Punong Lungsod Mario “Kokoy” Salvador sa mga LGU scholars kahapon (Agosto 17) ang planong pagtataas ng financial assistance na kanilang matatanggap.
Mula sa P5,000.00 financial assistance na kanilang natatanggap sa kasalukuyan, magiging P7,000.00 na ito kapag naaprubahan sa pagdinig sa Sangguniang Panlungsod.
Payo ng Punong Lungsod na mas pagbutihin ang kanilang pag-aaral at sikaping makapagtapos para maging maganda ang kanilang kinabukasan.
Natuwa naman ang mga iskolar sa dagdag tulong pinansyal at nangakong mag-aaral silang mabuti.
Sa araw ding iyon ay ibinigay na rin sa kanila ang kanilang allowance para sa semester na ito.