Nabigyan ng 25 wheelchairs at 4 na saklay ang mga kapatid nating PWD o Persons with Disability kahapon, Mayo 29 na handog pa rin ng Lokal na Pamahalaan.

Ayon kay Punong Lungsod Kokoy Salvador, bahagi pa rin ito ng mga kahilingan ng nasabing sektor na patuloy pa ring binibigyang katuparan ng Lokal na Pamahalaan.

Nagpasalamat naman ang mga benepisyaryo sa walang sawang pagsuportang ibinibigay sa kanila ng administrasyon ni Mayor Kokoy.

Sa susunod na buwan naman ay magkakaroon din ng paggawad ng prosthetic legs para sa mga PWD.