Planong dagdagan ng school buildings para sa mga senior high school ang mga paaralan sa lungsod na kulang pa ng mga silid-aralan,ito ang napag-usapan sa ginanap na Local School Board meeting nitong ika-19 ng Agosto sa OCM Conference Hall, City Hall Building.

Ilan pa sa mga naging paksa dito ay ang pagsasaayos ng mga silid aralan upang gawing laboratory room.

Iminungkahi rin sa pulong ang pagpapasigla ng pagtuturo sa mga batang lansangan na hindi nakakapasok sa paaralan.

Dinaluhan naman ang nasabing pulong ng mga opisyal ng Department of Education (DepEd) Division of San Jose City at mga department heads ng San Jose City Local Government Unit sa pangunguna ni Mayor Mario Kokoy Salvador.