Mariing nilinaw ni City Mayor Mario “Kokoy” Salvador sa mga market vendor sa isinagawang forum sa Pamilihang Lungsod noong Hulyo 9 na patuloy na ipinatutupad ang Anti-Plastic Ordinance.
Ayon sa Punong Lungsod, hindi dahil bagong upo siyang Mayor ay ipagsasawalang bahala na ang mga umiiral na ordinansa, kaya naman pinaalalahanan niya ang mga tindero at tindera na panatilihin at pahalagahan ang kalinisan at kaayusan sa Pamilihang Lungsod tungo sa Bagong San Jose.