Nanumpa na ang mga miyembro ng San Jose City Harvester Owner & Famers Association Incorporated o SJC HOFA Incorporated nitong Miyerkules (September 7).

Pinangunahan ni Punong lungsod Mario “Kokoy” Salvador ang naturang oath taking ceremony na sinaksihan naman ng mga reaper owner sa lungsod.

Matatandaang nagkaroon muna ng mga pagpupulong bago makapili ng mga manunugkulan sa nasabing asosasyon, kung saan sinabi ng Punong lungsod na isang paraan ang pabuo ng reaper association upang lalong mapatatag hindi lamang ang kanilang hanapbuhay kundi maging ang kanilang samahan.