Inumpisahan na ang pagsasaayos at pagpapaganda sa paligid ng Maharlika Highway nitong ika-31 ng Agosto, sang-ayon na rin sa adbokasiya at kampanya ni Mayor Mario “Kokoy” Salvador na Oplan: Bagong San Jose.

Sanib pwersa ang City Tourism Office at City Engineering Office sa pagbabaklas ng mga nakapaskil na lumang tarpaulin mula sa Welcome Arc sa Brgy. Tomas.

Nagsagawa rin ng ocular inspection sa gilid ng highway para matukoy ang mga lugar na may mga kaso ng illegal dumping o pagtatambak ng basura.

Plano rin ng Tourism Office magpa-landscape sa paligid ng Welcome Arc at magdagdag ng mga ilaw rito.