Nagsagawa ang CENRO ng orientation para sa mga bagong Ordinance Enforcers nitong Hulyo 12 upang ipaliwanag sa kanila ang mga ordinansang ipinatutupad sa lungsod para magampanan nila nang tama at maayos ang kanilang tungkulin.
Kabilang sa mga ordinansang ito ang ordinansa hinggil sa pagtatapon ng basura, pagkakalat, paggamit ng plastik, paninigarilyo, at iba pa.
Tinalakay din ang mga nakatakdang parusa sa mga lalabag sa mga ordinansang ito.
Pinayuhan naman ang mga Ordinance Enforcers na kausaping mabuti ang mga mahuhuli at ipaliwanang sa kanila ang nagawang paglabag. Kasama rin sa ginanap na orientation si Executive Asst. IV Amor Cabico.