Nitong umaga, ika-7 ng Pebrero, pormal nang pinasinayaan ang POWAS sa Sinipit Bubon sa pangunguna ni Mayor Kokoy Salvador, kasama ang mga opisyal ng barangay at mga residente roon.

Ang pagbibigay ng malinis na tubig sa mga barangay ay nakatutulong nang malaki sa pangangailangan ng mga mamamayan partikular sa inumin at panggamit sa pagluluto upang makaiwas sa mga sakit.

Upang makabitan ng POWAS, kailangan lamang makipag-ugnayan sa tagapangisawa nito sa barangay. Ang tubig na makokonsumo ay mayroon lamang maliit na halagang kabayaran. Ang mga koleksyon ay pamamahalaan din mismo ng asosasyon ng mga benepisyaryo ng proyekto, ang kanilang kita rin ang siyang gagamitin sa pagme-mentina nito.

Ito na ang pang-dalawampu’t isang (21) POWAS na naitayo mula nang ito ay simulan noong 2018. Itinuturing ang POWAS na isa sa pinaka-malawak na proyektong tinututukan ng Lokal na Pamahalaan.

Dumalo rin sa naturang inawgurasyon sina Vice Mayor Glenda Felimon-Macadangdang, mga konsehal Wilfredo Munsayac, Trixie Salvador, Niño Laureta, at Atty. Ronald Lee Hortizuela; gayundin si Pastor Ancheta.