Sa ikatlong pagkakataon, muling iginawad sa Lungsod San Jose ang "Seal of Good Local Governance (SGLG)", ang pinakamataas na pagkilalang ibinibigay ng Department of the Interior & Local Government (DILG) sa mga lokal na pamahalaang may mahusay at maayos na pamamahala.

Sa mga lungsod (cities) sa Nueva Ecija, tanging Lungsod San Jose lamang ang nabigyan ng pagkilalang ito ngayong taong 2022.

Unang iginawad ang parangal sa lungsod noong 2018 at sumunod noong 2019. (Pansamantalang natigil ang SGLG noong kasagsagan ng pandemya.)