Napuno ng kasiyahan, tugtugan, at sayawan ang Senior Night kagabi sa Pag-asa Sports Complex bilang bahagi ng selebrasyon ng Pagibang Damara Festival 2023.

Mas pinasigla pa ang gabi ng Rod Palaganas and his Orchestra kaya naman kasama pang umindak ng mga dumalo sa programa si Mayor Kokoy Salvador.

Nakisaya rin doon si Vice Mayor Ali Salvador at ilang konsehal ng lungsod at nagpahayag ng kanilang pagbati.

Bukod dito, hindi nagpahuli sa dance contest ang siyam na grupo ng mga senior citizen mula sa iba’t ibang barangay.

Kaugnay nito, nagwagi ang grupo ng mga taga-Sinipit Bubon, sumunod ang Villa Marina, at pangatlo ang F.E. Marcos.

Kinilala rin ang mga sumusunod na 10 Outstanding Senior Citizen Presidents mula sa iba’t ibang barangay para sa kanilang di-matatawarang paggampan sa tungkulin:
- Nora Paulo
- Sonia Bantigue
- Esmeralda Agat
- Grace Madlao
- Irineo Hizon
- Remedios Galdiano
- Aurelio Abalos
- Victorina Velasco
- Catalina Domingo
- Gloria Rivera