Napuno ng kasiyahan, tugtugan, at sayawan ang Senior Citizens' Night kagabi (Abril 17) sa Pag-asa Sports Complex bilang bahagi ng selebrasyon ng Pagibang Damara Festival 2024.

Mas pinasigla pa ng Palaganas Orchestra ang gabi, kaya naman napaindak din si Mayor Kokoy Salvador kasama ang mga young at heart dito.

Nakisaya rin doon si Vice Mayor Ali Salvador at ilang konsehal ng lungsod at nagpahayag ng kanilang pagbati.

Bukod dito, hindi nagpahuli sa dance contest ang 10 grupo ng mga senior citizen mula sa iba't ibang barangay.

Kaugnay nito, nasungkit ng Retired Teachers Association (RETA) ang unang puwesto, sumunod ang Brgy. Villa Joson Dance Group, at pangatlo ang Brgy. Malasin Dance Group.

Kinilala rin ang mga sumusunod na Ten Outstanding Senior Citizen Presidents para sa kanilang di-matatawarang paggampan sa tungkulin:
1. Rufino dela Cruz (USC Pres.) - Brgy. Abar 1st
2. Victorina Velasco (MKS Pres.) - Brgy. Culaylay
3. Aquino Morales (MKS Pres.) - Brgy. Dizol
4. Carmelita Sebastian (USC Pres.) - Brgy. Manicla
5. Gregorio Dasalla (USC Pres.) - Brgy. Porais
6. Esmeralda Agat (MKS Pres.) - Brgy. Sto. Tomas
7. Rufino Madlao (USC Pres.) - Brgy. Sto. Niño 2nd
8. Francisco Espiritu (USC Pres.) - Brgy. Sto. Niño 3rd
9. Gloria Domingo (MKS Pres.) - Brgy. Tondod
10. Nora Paulo (MKS Pres.) - Brgy. Villa Marina