Sa hudyat ni Mayor Kokoy Salvador na mag-rock ‘n roll, dumagundong ang buong Public Market sa taas ng enerhiya ng mga manonood sa ginanap na Street Concert kagabi (April 23) kung saan guest performers ang mga sikat na bandang #KMKZ at This Band.

Libo-libong katao ang naki-jamming dito, kasama ang mga local artist na Dalisay & Friends, Choco Martin, at Victolim na nagtanghal bilang front act.

Nagpakita rin ng kanyang talento sa pag-drums dito si Vice Mayor Ali Salvador at nagpahayag ng kanyang pasasalamat sa lahat ng nakibahagi sa anim na araw na pagdiriwang ng City Fiesta.

Hindi lamang mga taga-San Jose ang nakisaya sa huling gabi ng selebrasyon kundi pati mga ibang bayan ng ikalawang distrito ng Nueva Ecija na mainit na winelcome ng Punong Lungsod.

Aniya, hangad niyang nakapag-enjoy ang lahat sa mga hinandang aktibidad at programa sa piyesta ng lungsod.

Hindi naman nabigo ang mga manonood sa sulit na performance ng mga naturang banda sa concert.