Tuloy ang paghakbang sa buhay para sa dalawampu’t dalawang “Persons with Disability” makaraan silang masukatan ng prosthetic legs & leg braces nitong araw, ika-30 ng Enero, sa Tanggapan ng PWD sa lungsod.

Samantala, sampung PWD naman ang nabigyan na ng kanilang prosthetic legs & braces. Bukod dito, natanggap na rin ng dalawang PWD ang hiling nilang wheelchairs.

Ang naganap na pagpapasukat ng prosthetic legs & leg braces ay bukas din para sa mga taga-Lupao; Muñoz; Llanera; Rizal; Pantabangan; at Solano, Nueva Vizcaya.

Ayon kay Social Welfare Officer Christian Nicolas, sa darating na Abril ay makukuha na ang mga ipinasukat na prosthetic legs & leg braces.

Naroon din para sumuporta sa programa sina Mayor Kokoy Salvador, Vice Mayor Glenda Macadangdang at Councilor Trixie Salvador.