Pinulong ng Franchising and Regulatory Office ang mga Presidente ng TODA sa lungsod, kasama ang mga taga- Rizal, Lupao at Llanera nitong Hulyo 14 upang pag-usapan ang ikaaayos at ikagaganda ng kanilang pamamasada.
Dumalo rin sa pagtitipon si Punong Lungsod Mario “Kokoy” Salvador upang dinggin ang hinaing ng mga TODA at sagutin ang kanilang mga katanungan.
Kabilang sa mga tinalakay sa pulong ang kanilang mga obserbasyon sa bagong traffic lights, mga problemang kanilang nararanasan sa pamamasada, mga requirements sa pagkuha ng prankisa, at iba pa.
Plano ng Lokal na Pamahalaan na babaan ang bayad sa pagkuha ng prangkisa ng tricycle at paiigtingin naman ang kampanya kontra sa mga colorum.