Umarangkada na ngayong 2017 ang K Outreach Program ng lokal na pamahalaan kung saan ang mga taga-Barangay Tayabo ang unang nabigyan ng iba’t ibang serbisyo
Personal na bumisita sa nasabing barangay nitong ika-2 ng Pebrero sina Mayor Kokoy Salvador at Congw. Mikki Violago para makadaupang palad ang mga residente roon at mamigay ng reading glasses.
Bukod dito ay nagbigay din ng mga poso sa iba’t ibang sona roon para tugunan ang pangangailangan sa maayos na suplay ng tubig.
Bago pa man sumapit ang araw ng K Outreach ay agad nang natugunan ang mga pangangailangan ng mga residente roon.
Nagpatuloy ang pagbibigay ng libreng serbisyo mula sa iba’t ibang opisina ng lokal na pamahalaan ngayong araw na ito, Pebrero 3.