Sumali na rin sa pagsu-zumba ang mga batang mag-aaral sa lungsod bilang bahagi ng K Outreach Program ng Lokal na Pamahalaan.

Nitong buwan ng Pebrero, nagdaos ng Zumba Eskwela sa Barangay Tayabo, Manicla, Kita-kita at Kaliwanagan kung saan daan-daang mag-aaral ng elementarya ang lumahok, kasama ang kanilang mga guro at school principal.

Nagsilbi namang ZIN o Zumba Instructor dito si Mark Castillo.

Ayon kay Zumba Eskwela Coordinator Monalisa Vera Jardinero, layunin ng programang ito na mahikayat ang mga bata sa pag-eehersisyo para sa mabuting kalusugan at magkaroon ng magandang pangangatawan.

(Melody Z. Bartolome/Jovie Ann Pausal)